Reis van Jan van Mandeville

Vanden lande van cathay ende sijn grote ryckheden ende anders.

Cathay is een groot lant, scoon ende goet ende rike ende vol comanscepen Daer varen

[fol. 109vb]

die cooplude alle jare om specie ende cruut ende om alrehande comanscepe meer dan si elwaer doen. Ende weet, dat die liede daer gaen van geneuen of van venegen of van lomberdyen of van romanien. Si doenre wel toe te gane te lande waert ende ter zee xj maende of xij of meer, eer si moghen comen int lant van cathay, dat dat princi\paelste ende dat vermeerste lantscap is onder alle dandre op gheen zide der zee ende hoort den groten can toe.