Van die zee van galileen.
Op dese zee ghinc onse here droochs voets ende daer trac hi op sinte
pieter, die bina verdroncken was ende seide: Modice fidei quare dubitasti, dat
is te segghene: cleyne van gheloue, waer om hebstu ghetwiuelt. Ende op een
ander tijt na sine opuerstandenisse openbaerde hi hem noch op dese zee sinen
jongheren ende gheboot hem te visschene ende veruolde hem haer nette van groten
visschen. Jn dese zee sceepte dicwile onse here ende daer riep hi sinte pieter,
sinte andries, sinte jacob ende sinte janne zebedeus kindre.
Auteursrechtelijk beschermd