Reis van Jan van Mandeville

Van bethanyen.

Ende int nedergaen vanden berghe van oliueten ten oosten waert staet een casteel dat heet bethanien, daer woonde sinte symon die beziecte ende daer herberchde hi onsen here ende sint wart hi vanden apostelen ghedoopt ende gheheten

[fol. 48vb]

julien. Ende daer na wart hi bisscop. Ende het is die selue julien, diemen pleecht te bidden om gode herberghe, om dat hi onsen here herberchde in sijn huus. Ende in die selne stat vergaf onse here maria magdalena hare sonden. Daer wiesch si hem sijn voete mit haer tranen ende droochdse mit haren hare. Ende daer diende hem sinte marthe. Ende daer verwecte onse here sinte lazarus vander doot, die iiij daghe doot hadde gheweest, die sinte maria magdalenen broeder was ende marthen.