Refereynen ghepronunchieert opte intreden binnen der stede van Delft

[fol. K1r]

Den Haghe.

Refereyn op den Reghel.
VVant Godt haet den menschen die booslick leuen.

⁺Meest elck mensch leeft booslick so men mach aenschouwen
⁺Waer deur Godts haet op haer ontsteeckt in veel manieren
⁺D'een verkiest hem Godts diensten daerse in betrouwen
⁺Hebbende tschijn van gheestelicheyt twelck sy versieren
⁺Dander vol sonde steeckende als wilde dieren
⁺Drincken droncken hoereren vol twist en discoort
⁺En voorts gheen sonde so groot diese willen vieren
⁺Maer volbrenghense met lust tottet vleys confoort
⁺Dies Godt op sulcke quaetdoenders oyt was verstoort
⁺Alsmen aen Adam en Eua mach mercken met vlijt
⁺Om datse naer Godts stem niet en hadden ghehoort
⁺So heeft tgodtlick wesen daerde vermaledijt
Dies hy en wy zijn nacomers sonder respijt
Voor taenschijn des Heeren hebben moeten sneuen
⁺Maer hy sant ons zijn ghenade middeler tijt
⁺Die oock de sondaers straft die hem niet aencleuen
⁺Want Godt haet de menschen die boosselick leuen.

+ 1. Gene. 49

+ 2. Gene. 32

+ Iudit. 10.

+ Iose. 8.

+ Zach. 11.

+ Esa. 3. 51. 13.

+ Psalm. 14.

+ Phil. 7.

+ Abancut. 22

+ Ezech. 2.

+ Nahu. 3.

+ Genes. 3.

+ Psalm. 11.

+ Idem 32.

+ Idem 52.

Een Liedeken.

Godt haet der menschen leuen // die de boosheyt ancleuen
En verlaet // met versmaet // des Heeren goeden raet
Die hem niet wil begheuen // tot Godt den Heer verheuen
Hy aenvaet // metter daet // op hem veel straffen quaet
Maer die comt tot berouwen // in tijts van sonden weer
Sal lieffelick aenschouwen // ghenade voor den Heer
Maer so wie hem niet tot Godt omwent
Naeckt elent // Godts haet de straff tot hem sent.

⁺Dat Godt haer is hatende die leuen booslijck
⁺Is aen Caim en by Noës tijden ghebleecken
⁺Int bouwen van Babel Godt haer verwerde looslijck
⁺Waer deur haer quaden aenslach aen stucken most breecken
⁺Sodoma en is van haer boosheyt niet gheweecken

+ Genes. 4.

+ Genes. 7.

+ Genes. 11.

+ Sapien. 10

+ Genes. 9.

[fol. K1v]

 

⁺Hoe haer Godt daerom haete beuintmen openbaer

 

⁺Pharao booslick leuende vol valscher treecken

 

⁺Vraecht Moysem wie is desen God die ghy maeckt so swaer

 

⁺Dies hem door zijn boosleuen volchde veel straffe naer

 

⁺D'Israëlieten door der sonden aenhanghen

 

⁺Heeft Godt ghehaet en ghestraft het blijckt seer claer

 

⁺Godts haet bracht Hely oock in groot verstranghen

 

⁺Door zijn boosheyt is hy Godts straffe niet ontganghen

 

⁺Van Sauls boosleuen staet claerlick me beschreuen

 

⁺Godt haete hem, heeft Dauid als Coninck ontfanghen

 

⁺Daerom alle boosdaders die moghen wel beuen

 

⁺Want Godt haet de menschen die boosselick leuen.

⁺Door Adams quade seden // was tghebot Godts vertreden
Is gheplaecht // heel vertsaecht // wt tparadijs gheiaecht,
Want Godt haet de boosheden // castijt altijt met reden
Hy verdraecht // en beclaecht // en straft alst hem behaecht
⁺Sodoma is beduruen // Gomorra leyt in schant
Die menschen zijn ghesturuen // en metten vyer verbrant
⁺D'Ysraliten quamen oock in noot //
Inde doot // doen sy tCalf aenbaden bloot.

⁺Alsment all doorleest oock de boecken der Coninghen
Hoe sy in boosheyt staecken en tot quaet gheneghen
Dies Godt oock haer straffe sant tot looninghen
⁺Ghelijck Ieroboams gheslacht wel heeft ghecreghen
⁺Rehabeam, Abia, ten dient niet versweghen,
⁺En Simrij, Amrij, Achab en oock Iesabel
⁺Ioram en Athalia ghinghen veel quaets pleghen
⁺Amasias leuen en behaechde Godt niet wel
⁺Dus daer Douerste doolt volcht de ghemeente snel
⁺Somen claerlick door de gantsche schrift mach speuren
⁺Oock waren de heydenen meest al quaet van opstel
⁺Somen aent schrijuen mercken mach van veel aucteuren
⁺So datmen deur Godts haet veel plaghen sach ghebeuren
Ouer haer want sy Godt noyt en quamen beneuen
Die Godt inden gheest kende hebben moeten treuren
Om dat de sondaren euen boosdadich bleuen
Want Godt haet de menschen die boosselick leuen.

⁺Moyses suster haer sonden // haete Godt tot dier stonden
Haestich daer // quam op haer // de straffe Godts voorwaer
⁺Chore Dathan beuonden // zijn in d'aerde verslonden
Godts haet claer // straft seer swaer // boosheyt int openbaer
⁺Godt heeft Heli verwaten // om dat hy strafte niet
Zijn kinderen by maten // dies quam hy int verdriet

+ Deute. 29.

+ Eze. 13.

+ Ieremi. 50.

+ Exod. 8. 13

+ Iere. 3. 4. 5. 6. 7. 8.

+ Exod. 22.

+ Psalm. 5.

+ Num. 6.

+ 1. Samu. 2

+ 1. Samu. 4

+ Samu. 13.

+ Iudic. 9.

+ Genes. 3.

+ Genes. 19.

+ Exod. 32.

+ 2. Reg. 9. 14 15. 31. 27.

+ Reg. 5. 6.

+ 1. Re. 16. 22

+ 3. Reg. 10.

+ 2. Reg. 11.

+ Para. 22.

+ Reg. 14.

+ Esa. 14.

+ Iose. 13.

+ Iob 34.

+ Diogenes roept menschen Aristoteles vlijet voor Afgoden dienst.

+ Num. 11.

+ Num. 16.

+ 1. Sam. 2.

[fol. K2r]

 

⁺En door Dauids houerdy aenhoort

 

Sijn versmoort // veel duysent menschen vermoort.

Prince.

All waren dees (Prince) vol uyterlicke sonden
Daer zijn noch ander vol hypocritichsche spraecken
Haer selfs heylich houdende tot allen stonden
Die de schrift deur lesen daerse naerstich in waecken
Maer ofse vande letter gheen Afgodt en maecken
Bidde ick met vlijt datse daerop willen achten
Die gheestelicke en waerlicke sonden staecken
Voorwaer Godt en treckt niemant ten hemel met crachten
⁺Dus laet ons al de vijf wijse maechden slachten
⁺En nemen exempel aenden boom sonder vruchten
⁺Anania en Saphyra hout in ghedachten
⁺En noch ontellicke meer ten zijn gheen cluchten
⁺Alle menschen lieghen, voor v sonden wilt suchten
En niet langher als den spin bedrieghelickheyt weuen
Denckt als Godt sal verschijnen in shemels ghehuchten
Wat loon hy dan den sondaers rechtelick sal gheuen
Want Godt haet de menschen die boosselick leuen.

Prince.

Dit machmen Prins nu mercken // God haet ons boose wercken
Straft subijt // comt met vlijt // oorlooch en diere tijt,
Tweedracht in allen percken // dissenty inder kercken
Haet en nijt // twist en strijt // niemant de boosheyt mijt
Elck een wil hier op dencken // v voort van sonden wacht
Off Godt sal ons meer crencken // den boosen niet en slacht
Bekeert v van sonden leeft in deucht
Met gheneucht // zijn die in Godts troost verheucht.

+ Sam. 24.

+ Matth. 25

+ Thess. 5.

+ Marc. 11.

+ Luc. 13.

+ Actorum 5.