Refereynen ghepronunchieert opte intreden binnen der stede van Delft



[Folio A1v]
Des Druckers waerschouwinghe tot den goetwillighen Leser. Also de circumstantien der Camers incomen, Int cort gheteyckent zijn, soo wat der Raepkens begheren, Doen ick dit boecxken te drucken hadd' aenghenomen, Dat ickt met d'Intreden wilde illustreren, Om alle Camers en den volcke te contenteren: Oock om dat hier sulcx noeyt gheschiet is t'eenighen tijen: Mer Beminde Leser dit suldy considereren, Dat het ofteyckenen en de figuren te snijen, Tot so groote costen soude ghedijen, En tijt verlies, datment nauw'licx soude ghelouen: So waerschouw ick elck om mijn ghemoet te bevrijen, Naedien sulcx de ghemeen costen gaet te bouen: En dattet geen menschen beter dan wy beprouen, So heb ick ghemijt dees costen groot bouen maten. Doch so t'een sonder t'ander niet gheset soud' behouen, So heb ick de Circumstantien oock naeghelaten: Mer des HELLEMANS clausulen comen v te baten, Waer mee RHETORICA elcke Camer ontfanghen // heeft, Met T'bewijs der Intreen, wilt dit ten besten vaten, Want men moet vorderen, nae t'spreeckwoort zijn ganghen // heeft, Ter wijl een saeck versch is, en dat den mensch verlanghen // heeft.