Poetische en prozaïsche werken van de Societeit Momus

[p. 1]

Lang Leeve Momus,
Lang Leeve Wij,
Lang Leef Flappinus
Met de Momezij. bis.

[p. 3]

Momus Veurreije of veurwoord veur de ierste tot de ellifde editie.

Doa-et nou ins hey en euveraal gebrukelik is, dat eeder werrikske in veurreije of ei veurwoord heet um dat anders geyn naoweurd dreen te pass koome, zoe deent hey tot veurwoord oan alle Momusse, die geere in de Vergaadringe eus Leedches met wille zinge, neet te vergeete dit beukske in iere te haauwe, goot te bewoare en te bescherme teege waater en vuur, teege beer- en koffi vlekke, teege de roeije boay, mer veural zig te wachte van - et te gebruuke

[p. 4]

um cigare of piepe oan te maake, en eindelik het noa alle vergaadringe en euveraal woe-et wat lustig tougeyt met te numme, behalve woe de keyzer te vood geyt!!!

Die noe-et ongeluk hubbe, dit beukske door-et eyn off-et ander van de geneumde ongevalle kwiet te rake of te bemorche, konne doateege weer-et geluk hubbe zich veur tien cents e neuy te koupe.

Zoe gegeve en oetgesproke in eus Paleis, op ordonnantie van zen Hoeghlustigheid,

FLAPPINUS DEN XI.

De Secretaris,

Baron Kribbeler.