Roman van Perchevael

(1980)–Anoniem Percevael– rechtenstatus


[Perchevael]
[Folio ra]
Sulc geual ende sulc auenture dat hem vro [...] soe worden te sure welken .Ridder. soe hi ghemoete wien soe hi metten spere groete 5[regelnummer] hi dedem stegerep ende gereiden Rumen ende ligghen aender heiden Jc wane noit eer man en sach min her walewein. om beiach So sere pinen te ghere stede 10[regelnummer] alse hi tesen tornoi dede dus wan hi met sire hant sciere Rikeliker orse des dages viere dat ierste seindi der ioncfrouwen diemen heit metten cleinen mouwen 15[regelnummer] dat ander sendi ter herberghen binnen her garnss. wiue sire werdinnen dat derde seinde hi hare dochter die dies leuede vele te sochter alsi iet hadde dat hare versierde 20[regelnummer] hare ander dochter seindi tvierde die niet en was behagelre min aldus bestaede hi sin ghewin Ende als min her walewein. sach dat ginc ouer den middach 25[regelnummer] En wilde hi langer tornieren niet Ende met desen die tornoi sciet her walewein. kerde weder in die stat die des dages hadde verwonnen dat dat Ridderen vonden grote ende clene 30[regelnummer] dat hi van beiden siden allene dien pris dies dages hadde beiaget hoe dicke was doe daer gevraget beide stille ende openbare Ofte ieman wiste wie hi ware 35[regelnummer] manlic vragede andren of his iet kinde her walewein. reet met gheninde Ter herbergen alse hi dar quam Sach hi voer hem ende vernam Ter dore staen die selue ioncfrouwe 40[regelnummer] die hem ghegeuen hadde die mouwe die ioncfrouwe. liep ende ghegrep metter hant sinen stegherep Ende dancte hem al openbare dat hi dor die bede van hare 45[regelnummer] dies dages so vele hadde gedaen her walewein. antworde saen
[Folio rb]
het was wel recht lieue ioncfrouwe. Soe mi waerheit ende trouwe Gi hebt dies iegen mi verdient 50[regelnummer] dat v .Ridder. ende v vrient ben ende vorwart me sal sin Ende of gi ieweren der hulpen min behoeuet soe ontbiedet mi Jn wat onleden soe ic si 55[regelnummer] begrepen ic come v bi gode Te hulpen metten iersten bode binnen dat si spraken dese wort Soe quam die here van der port Ende dancte hem der eren saen 60[regelnummer] die hi sinen kinde hadde gedaen Ende nodene te bliuene met hem her walewein. sprac ic bem hastich inne mach niet merren lettic langer het mochte mi werren 65[regelnummer] Jc wil riden ghebiedi iet Tibaut sprac here nenic niet Sonder dat ic gerne ven name Soude weten wart v bequame hi antwordem alte hant 70[regelnummer] walewein. ben ic genant Ende ben des .conincs. arturs neue Jnne loghen nemer dat ic leue minen naem dor enegen man Ende inne seiden noit nochtan 75[regelnummer] mine wasser tiersten om ghevraget Tibaut die des wel behaget dat min her walewein. es Ende sprac here des sijt gewes dat ic hebbe staet al bi gode 80[regelnummer] tuen wille ende tuen gebode her walewein sprac dat lone v got min wille ende min gebot dats dat gi bliuen moet gesont Ende als die ioncfrouwe. dat verstont 85[regelnummer] dat her walewein. wilde riden nech si hem ten seluen tiden Ende custe sinen voet alse her walewein. dit verstoet Sprac hi ioncfrouwe. wats dat gi doet 90[regelnummer] Si sprac here ic cusse ven voet Op genade dat gi mins gedinken sult dar bi
[Folio va]
her walewein. sprac lieue ioncfrouwe. Soe mine waerheit ende trouwe 95[regelnummer] Gi hebt mi ghedaen sulc ere Jnne verget nemmer mere darna heft hi orlof genomen niet allene aen hem somen mar aen hem allen die hi daer siet 100[regelnummer] done wildi langer lette niet hi reet met hasten alden dach dies nachts hi tenen clostar lach daer hem niet en ghebrac Ende men hem ere dede ende gemac 105[regelnummer] alse enen goeden man betam dies margens alse die dach quam Reet hi danen dor een lant dar hi anders niet en vant dan wildernesse ende woestine 110[regelnummer] dus reet her walewein. entie sine Tote een luttel ouer none doe quam gereden dese cone Neuen die side van enen woude daer hi beneuen liden soude 115[regelnummer] dar wilde stonden ter weiden vele her walewein. hiet te sine spele Enen cnape beten te hant die een ors leide in die hant dat harde starc was ende groet 120[regelnummer] Tenen cnape hi gheboet dat hi bete ende tors vergorde dat was gedaen metten worde des was her walewein. harde blide Ende bete neder van den rosside 125[regelnummer] Ende ginc sitten op dat ors dien hi niet enghetrude wors dan sinen gringoletten doe gaf hi hem al sonder letten Een spere dat starc was ende stide 130[regelnummer] die cnape nam dat rosside daer hi op sat te voren Ende min her walewein. sloch met sporen Ten wilde wart dar hijt sach staen Ende was onder den trop soe saen 135[regelnummer] dats den cnape hadde wonder Ene hinde sach hi dar onder die also wit was als een suaen alse hise sach hi sette hier ane
[Folio vb]
Sin herte ende sinen sin 140[regelnummer] dat hi dar voren groet ghewin niet en prisde none minde mocht sin ors die witte hinde verlopen ende maken stanc hi sach die witte hinde die spranc 145[regelnummer] Ende met crachte liep dar voren hi nam sin ors metten sporen Ende volde haer soe met ghewelt Dat hi haer dede aen dat velt Soe menghen keer ende so mengen wanc 150[regelnummer] dat hi der hinden aen haren danc dat sper leide op haren hals hadde hi een luttel mer gheuals hi hadde gelettet wel die hinde maer hi mercte ende verkinde 155[regelnummer] dat sin ors ens voeten meet des wart die hinde hem ongereet Doe kerde hi weder toter straten Dar hi tharnasch hadde gelaten Ende sprac bete ionet 160[regelnummer] Ende sie wat desen orse let het houtet harde aen enen voet Jonete hi was harde vroet Ende marscalc goet van perden hi bete neder toter erden 165[regelnummer] Ende hief den ors op sinen voet alse ionete verstoet waer om dors houte hi sprac dit ors heft geen onghemac Sonder dattet heuet verloren 170[regelnummer] van sinen rechten voete voren Een iser ende hem die voet es bloet Et en heuet el ghenen noet Nv ride wi sachte sprac ionet Tes wi vinden enen smet 175[regelnummer] Ende doen dit ors weder beslaen Soe salt harde rechte gaen dus quam min her walewein. buten dat wout aen een plein Ghereden op ene scone katside 180[regelnummer] doe sach hi comen lopende liede vte enen castele ten seluen stonden beide met horne ende met honden hoghe ghescorst na iagers wise Ridderen quamen dar na van prise
[Folio ra]
185[regelnummer] dat een was een scoen ionc man Scoenre dan ic gheseggen can die scone dede wel sin ere hi groete walewein. den here Ende namen bi sire hant 190[regelnummer] Ende sprac her .Ridder. in dit lant moeti willecomen sin Te desen sconen castele min dien gi hier staen siet dar herberget te nacht en lates niet 195[regelnummer] Jc bid v dat ghijs niet vermidet dese here die hir na mi ridet hi sal daer v gheleide sin des biddic v oec gheselle min Sprac hi toten .Ridder. die reet met hem 200[regelnummer] dat gine ten huse daer ic bem wonende met eren gheleidet Ende gi van hem nine sceidet Eer gine bringet dar min suster si Ende segt mere suster of si van mi 205[regelnummer] Emmermeer wil hebben ere dat si desen seluen here houeschelike ende wel onthale met houescher daet met soeter tale Ende of si noit minde man 210[regelnummer] dat si desen minne dan Ende mi die haer broeder bem Ende si houde geselscap hem alsoe of ic ware bi hare dat hem die tijt niet en versuare 215[regelnummer] Ende sine make blide ende in hoghen wi soelen keren soe wi ierst moghen Ende alse gi dat hebt ghedaen Soe volget mi hier weder saen Ende ten ersten dat gi comt te mi 220[regelnummer] So sulwi varen ic ende gi Ende sullen desen here houden al sulc gheselscap alse wi wouden dat hi ons hilde in sin lant Na dese tale es te hant 225[regelnummer] die .Ridder. van sinen here ghesceiden die heren walewein. sal gheleiden Te sulker stat ende dar sal laten dar sine alle ter doet haten mar hi peinsde ouer waer 230[regelnummer] dat hi was onbekennet daer
[Folio rb]
dor dat hire noit wa gesien Soe verliet hi hem in dien dat hi sorghede te min een deel hi bescoude den casteel 235[regelnummer] die op een arm sat van der zee des prisehine vele te mee aen dander side telande wart was die casteel so wel bewart met tornen ende met vasten muren 240[regelnummer] dat si die cracht van haren gheburen van enen hare niet ontsaghen hoe langhe dat si dar voren laghen Ende als min her walewein. quam binen den porten hi doe vernam 245[regelnummer] menech palais hoghe ende rike van stenen ghemurt cierlike hi sach die straten ende die cautscieden wandelen wl van sconen lieden van sconen porters van sconen portecghen 250[regelnummer] hi sach die wisselbancke lecghen wl van siluer ende van goude dar bi die munte menechfoude hi sach liede van ambachten die misselike ambacht vrachten 255[regelnummer] dese maecte cousen yserin alse misselike ambacht sin dese helme van brunen stale dese suerde die sneden wale dese halsberghe dese halsbergule 260[regelnummer] dese acoton dese wambesule dese coifen dese hersenieren dese breidelen dese testieren dese ghereiden dese scilde So wat wapenen so men wilde 265[regelnummer] mochte elc man dar hebben vonden Gnoch te cope tallen stonden Oec sach die .Ridder. ghemeit bi der straten daer hi reit ander liede die daden maken 270[regelnummer] beide brunitte ende scarlaken van goeder varwen ende goet wllen dese weuen die gene vollen dese carden dese wieden Oec sach hi ambachte van andren lieden 275[regelnummer] die siluer smeden ende gout Ende scoenheit vrochten menechfout
[Folio va]
dese macte kelcken roet guldijn dese scotelen siluerin dese nappe dese coppe 280[regelnummer] dese hake dese knoppe dese gespen ende gordelkine dese diere vingerline Ende andre cierheit menechfoude beide van siluere ende van goude 285[regelnummer] Ghene strate in allen sinnen was wl van comanscapen binnen alse ofmen daer alle daghe wlle marct te houdene plaghe hir lach dat grone dar dat blawe 290[regelnummer] hier dat bont werc dar dat grawe hier vercocht men ginghebare Ginder canele ende zedeware hier peper ende ginder greine dus reet met min her waleweine. 295[regelnummer] Gene Ridder. met ghemake bescouwen mengherande sake tessi toten torne quamen Cnapen spronghen diese vernamen Ter porten comen ende hebben saen 300[regelnummer] die ors ende dat harnasch ontfaen Ghene .Ridder. nam te hant min her walewein. bider hant Ende leidene in een camer binnen Ende grote die ioncfrouwe met minnen 305[regelnummer] dar na sprac hi siet ioncfrouwe desen gast sent v op trouwe v. broeder die .coninc. min here Ende ontbiet v dat gi hem doet ere Ende gi also iegen hem vart 310[regelnummer] alse of gi sin suster wart Ende alse of hi ware v broeder ves vader kint ende ver moeder Ende houdet hem geselscap soe dat hi blide si ende vroe 315[regelnummer] hier toe manet v ioncfrouwe v. broeder op al sulke trouwe als es tusschen hem ende v Jc moet weder keren nv Tot ven broeder in ghent wout 320[regelnummer] desen .Ridder. weset hout Ende sijt goedertierne ieghen hem die ioncfrouwe. sprac bi gode ic bem
[Folio vb]
Sulc gheselscap harde blide hets recht dat icne niet en nide 325[regelnummer] Ende ic sine vriendinne si die sulken gheselle seindet mi Jc sal hem dor mins broeder bede Ende dor sins selues houeschede doen al dat goet ende al die ere 330[regelnummer] hi es so wel ghedanen here dat ic mach ende dat ic can met desen nam si den edellen man houeschelike bider hant Ende die bode nam orlof te hant 335[regelnummer] Ende voer te sinen here wart min her walewein ginc sitten ter vart bider ioncfrouwen. ten seluen stonden Ten ersten sullen si hem beconden van goeder minnen onderlinghe 340[regelnummer] hadden si ghesproken van andren dinghe dar sulke tue saten in sulker stede dat dochte mi grote ledichede Soe goede stade hadden si hem en was nieman na no bi 345[regelnummer] Ende waren ionc ende scone beide Ende bat wl maect in houescheide dan v ieman ghesecghen conste min her walewein begonste Op die ioncfrouwe. te soekene minne 350[regelnummer] Ende seide haer ten beginne dat hi haer vrient ende har .Ridder. ware beide stille ende openbare Ende soude wesen al sin leuen die ioncfrouwe. heft hem weder ghegheuen 355[regelnummer] Sulke tale die hem was bequame die selue ioncfrouwe. hadde den name dat si was houech ende vroet Scone wetende ende goet Ghestade ende van reinen moede 360[regelnummer] dar om was si sonder hoede dats ieman sal wachten ofte spien Een .Ridder. es comen binnen dien Ter camerdore met ghemende die heren walewein. scier kende 365[regelnummer] dar hi sat al sonder rouwe Ende sach hem cussen die ioncfrouwe Ende als dit ghene .Ridder. sach Riep hi vele lude owach
[Folio IIra]
verschets bloets een trane 370[regelnummer] van den spere in minen wane het es bescreuen ende vor seghet Een conincrike dat verre leghet dat rike van logers eset ghenant dat wilen was der heidene lant 375[regelnummer] Sal biden spere werden te stoert dat spere dar ghi af hebt ghehoert Sal min her walewein soeken varen Oec moeti sekeren ende suaren den .coninc. dat hijt hem sal bringhen 380[regelnummer] walewein. sprac sal men mi duinghen Te sueren enen valschen eet Jc ware mi lieuer godeweet dat hier ghedoghede .vij. iaer Sulke quale die mi waer te suaer 385[regelnummer] dan ic mi kerde aen sulke voere dat ic sekerde ende suoere dat ic niet vermocht te done die goede man sprac .Ridder. cone hier nes nieman die des ghert 390[regelnummer] dat ghi ves dankes versuert mar ghi sult sueren openbare Te beiaghene dat spare Sult doen al v macht met vlite Ont vechtet v soe weset quite 395[regelnummer] Of ghi spere niet moghet ghewinnen Soe moeti te desen torne binnen Tenden iare gheuen v Jn sulker vancnessen alse ghi sijt nv walewein. antworde desen eet 400[regelnummer] aldus te done bem ic ghereet dus sin walewein. bracht te voren die heileghen ende heft ghesuoren dat hi sal doen al sine macht Te soekene den witten scacht 405[regelnummer] dar alle tieden hanghet ane verschets bloets ene trane Of hijs oec niet can ghewinnen hi sal ten seluen torne binnen hem seluen leueren der vancnessen 410[regelnummer] Tote dien dat men der verranessen hem quite maket ende claer dar hi om es ghehatet daer Alse dese eet was ghedaen Nam her walewein. orlof saen
[Folio rb]
415[regelnummer] Toten .coninc. ende der ioncfrouwen. die hem ghehulpich was m[et] trowen darna aen alle die dar waren alle sine cnapen hiet hi oec varen Te horen lande ende weder sceden 420[regelnummer] die orsen hiet hi hem weder leden alle sonder dat grincolet hoe sere wende doe jonet Ende die cnapen al ghemene dor haren here die allene 425[regelnummer] die wilde varen dolen int vremde lant hier laet die boec alte hant van haren walewein. die tale Ende seghet v vort van percheuale Percheuael. dat segt dystorie 430[regelnummer] heuet verloren sine memorie van droeuen ghepeinse ende van suaren Soe dat hi in .v iaren noit in monster en quam Noch in steden dar hi vernam 435[regelnummer] alsoe vele als van enen worde Einghe dinc die te [go]de horde Ende an gode vroe no [s]pade noch enbede no en bat ghenade dat seghet die boec ouerwaer 440[regelnummer] aldus ree[t] hi .v. iaer dat hi op gode en acht[e] niet Nochtan da[r] binnen en liet hi niet hoe sert them wart te sure hine voer soeken auenture 445[regelnummer] y Ende ridderscap ouer al dar toe haddi sulc gheual dat hi binnen den .v. iaren Ridderen die alle waren van hoghen prise ende van loue 450[regelnummer] Seinde totes .conincs. arturs houe die hi met sire cracht verwan darna quam die edel man Ten einde van den .v. iaren Jn [ene] wildernesse gheuaren 455[regelnummer] Ende quam vt enen woude ghetrect al ghewapent ende ors verdect dat hi en ghene soe hoghen dinc noit en begrep no aen en vinc het en verginc tsire eren al 460[regelnummer] dat toe haddi sulc gheual
[Folio va]
daer quamen g[he]g[a]en in sin ghemoet wllen ende baruoet drie Ridderen. ende .v. ioncfrouwen ic wane alle hadden si cappen ane 465[regelnummer] Ende alsene percheuael soude liden Ende in sin[e] wapen saghen riden dochtet den vrouwen selsame Een van den .Ridderen. riep hem ane ay her Ridder. wats v ghesciet 470[regelnummer] En ghelouedi aen gode niet dat ghi heden wapene draghet Ja ende starf die sone der maghet aen den cruce alse heden bi sire groter oemoedecheden 475[regelnummer] Ont wapent v oft wesen mach Percheuael. sprac. die op ghenen dach En achte noch op ghenen tijt Segt mi vr[i]ent wie dat ghi sijt wat daghe eset heden dan 480[regelnummer] doe antwordem die goede man here vrachdi wat daghe het es het es di[e] da[ch] des sijt ghewes die heitet g[o]et vridach diemen wel met rechte mach 485[regelnummer] heiten. want hi es vele goet die werelt die verloren stoet bi adams ouermoedicheden Si wart verloset alse h[e]den van der eweliker doet 490[regelnummer] dar om est redene vele groet dat dese dach gheheten si bi der heileger doet die hi alse heden aen den cruce ontfinc dar sine menscheit ane hinc 495[regelnummer] Ende ane verstarf alse heden Elc man soude met oemoedecheden heden penitentie doen die vten sonden es ghevloen Ende soude gode bidden afflaet 500[regelnummer] van alre sonderliker daet nie man en soude te desen tiden die kersten es ghewapent riden Alse percheuael dit verstoet Sprac hi dat v got gheue goet 505[regelnummer] Segt mi wanen come di die Ridder. sprac here van hier bi
[Folio vb]
van enen heileghen ermite die gode dient met sulken vlite hier bi int wout daer hi leghet 510[regelnummer] dat hi en ghenre spise en pleghet En hi eemparlike leuet bider ghenaden die hi heuet van der glorien van hemelrike Percheuael. sprac hastelike 515[regelnummer] wat dadi daer bi ver trouwen doe antworde een van den vrowen vraghedi wat wi dar daden here wi ginghen hem te ghenaden Ende te biechten van onser mesdaet 520[regelnummer] Ende sochten tonser zielen raet Ende van onser zielen pardoen beter dinc mach nieman doen die hem te gode wil bekeren percheuael. sprac wildi mi leren 525[regelnummer] waer ic mach vinden den ermite die mi doet mire sonden quite dar willic riden sonder sparen Of ghi wilt ten ermite varen Sprac die vrouwe ic rade v dat 530[regelnummer] dat ghi hout desen seluen pat dien ghi ons siet comen ghegaen Soe suldi vor v vinden staen bi enen berghe een neder wout dat dicke es ende menechfout 535[regelnummer] dan rijt int wout en lates niet Ende volghet den pade die ghi siet dar wi hebben ghecnocht die rijs Soe modi sueghes werden wijs Ende moghet toten ermite comen 540[regelnummer] dus hebben si orlof ghenomen Ende daden hare bedevart Ende percheuael reet te woude wart Sinen pat soe hi rechts mochte hier binnen quam in sin ghedochte 545[regelnummer] percheuale. in corten stonden Ene berounesse van sinen sonden Soe dat hi sere began versuchten Ende sine mesdaet sere vruchten dat percheuael. die edel man 550[regelnummer] Soe sere wenen began dat hem die trane heet ende dinne van den oghen tote op die kinne
[Folio ra]
vele ghedichte licker ronnen het was te merkene bider sonnen 555[regelnummer] Een luttel min dan middach doe percheuael. quam dar hi sach Ene clene capelle staen int wout die die ermite grau ende out hadde ghestichtet dar ter stede 560[regelnummer] percheuael. bete ende dede al sine wapen van hem saen Sin ors liet hi allene staen den toghel hi an een rijs bant hi ghinc ter capellen dar hi vant 565[regelnummer] Enen pape ende den ermite Ende een clerskin dat met vlite dat ambacht van den daghe begonsten Soe si best ende sconste consten Nv hort wat percheuael. doe dede 570[regelnummer] hi viel neder in knieghebede Tierst dat hi in die capelle quam Ende alsene die ermite vernam dat percheuael. wende ende versuchte dede hi als ene die gode vruchte 575[regelnummer] vriendelike hine totem riep percheuael toten ermite liep Sine berouwenesse was groet hi viel den ermite op sine voet Ende boet sine hande op ghenade 580[regelnummer] Ende sprac here in ve ghenade willic van minen sonden staen Ende boeten dat ic hebbe mesdaen Jc hebbe goedes rades noet die goede man hem gheboet 585[regelnummer] dat hi sine biechte dade Clarlike ende hi hadde ghestade berowenesse van sire mesdaet Soe mochti wel hebben afflaet van sinen sonden sonder waen 590[regelnummer] percheuael. sprac mi heuet ghestaen .v. iaer min auentuere soe dat ic alle doghet vloe Ende ic anders nine dede En ghene dinc dan archede 595[regelnummer] Ende sonde waer so ic mochte Ende ic sonden niet en vruchte Ende ic gode nine bekende Noch ane en bede no ne minde
[Folio rb]
Ende ic godes al vergat 600[regelnummer] ay [lieue] vrient tui dadi dat Sprac die goede man saen dat was harde sere mesdaen dat vergheuedi onse here ihesus her tes .conincs. vischers huus 605[regelnummer] was ic luttel te minen goede dar ic een dropel van bloede Sach vor mi rinnen openbare vten ysere van enen spare dat bloet sach ic ant yser hanghen 610[regelnummer] Ende die duuel hadde mi so beuanghen dat ic niet en sprac een wort Oec sach ic weder ende vort dat grael vor mi draghen mine horde nieman dar om vraghen 615[regelnummer] des hebbic den rou soe groet dat ic mi ware lieuer doet bleuen. ter seluer stede hier om est dat ic gode dede Clarlike al vte minen ghedochte 620[regelnummer] Ende oit sint waer so ic mochte El niet en dede dan quaet alse die ermite dit verstaet Seghet hi oft v es bequame vrient so sect mi ven name 625[regelnummer] Ghi die saghet dat grael here ic hete percheuael. alse die ermite dit horde versuchte hi sere metten worde want hi verkende dien name wale 630[regelnummer] doe sprac hi te percheuale. vrient di heuet ghenost meest Een sonde die du niet envreest dat was dor den groten rouwe die din moeder hadde dien vrowe 635[regelnummer] die du in onmachte liets licghen bi hare porten tender bricghen Ende duse liets licghen ende sciets van hare Jc sect di al openbare die rou van di slochse te doet 640[regelnummer] des heuestu die sonde groet dat di ghesciede percheuael alsdar du saghest dat grael dar du so vele nine bedochts dat dure iet om vraghen mochts
[Folio va]
645[regelnummer] [Ende] dor die selue sonde groet bestu dar comen in menger noet Percheuael. wat helpet verholen En hadde din moeder di niet beuolen den riken gode die di gheboet 650[regelnummer] du warst verloren ende doet mar god hadde dire moeder soe wart dat hi di tote noch heuet ghespart dor die doghet van hare beide stille ende openbare 655[regelnummer] Ende heuet di verloest vte mengher noet Ende bescermet van der doet Ende van vancnessen te menger stont Ghene sonde sloet di den mont dar du dat spere saghest an 660[regelnummer] dar dat bloet vte ran Ende doe du saghest percheuael. v[...]den dat grael Ende dune vraghest no me no min d[a]r bi had[stu] dommen sin 665[regelnummer] hadstu ghevraghet wat ghelaghe aen dat grael ende wien men plaghe dar mede te dienen dat ware goet nv salics di maken vroet die man dien men dar mede dient 670[regelnummer] dat es een min lieue vrient d[a]ts min vleschlic broeder percheuael. ende din moeder was min suster ende die sin Ende du best sone der suster min 675[regelnummer] die rike vischere dat verstaet wale Es sone .conincs. die metten grale hem doet dienen neue percheuael. Oec secghic di dat ant grael hem noit te dienen mede en quam 680[regelnummer] no vlesch no visch no wilt no tam Jnt grael drachtmen daghelike Ene ostie vor den .coninc. rike anders en nut hi en ghene spise die ghenaden gods van paredyse 685[regelnummer] doet hem ghenoghen te sinen liue Nie en wart gheboren man van wiue die mochte secghen percheuael. hoe heileghen dinc es dat grael die .coninc. heuet nv .xij. iaer 690[regelnummer] Gheleghen in ene camer daer
[Folio vb]
dar men dat grael in droch derre talen es nv gnoch Percheuael. wel lieue neue die penitentie die ic v gheue 695[regelnummer] Ende die ic v vor v sonden lade Jof ghise vor ve mesdade wilt ontfaen dies nemet goem percheuael. sprac ia ic oem lieue neue soe hort mi nv 700[regelnummer] Jn verlanessen radic v van alre sonderliker daet dat ghi te monstre gherne gaet alle daghe alse ghi moghet dar moeghedi leren alle doghet 705[regelnummer] Eret gode ende minnet gode Ende hout gherne sine ghebode diemen ghebiedet in die kerke Eret papen ende clerke dienet allen goeden lieden 710[regelnummer] dat en laet v niet verbieden Oec radic v ende mane op trowe Of ghi vrowe of ioncfrowe Jn groter noet begrepen siet dien helpt sone lates niet 715[regelnummer] helpet weduen ende wesen dar si begrepen sin in vresen Sijt caritatechtich tallen stonden wildi dit houden vor ve sonden percheuael sprac ia ic here 720[regelnummer] Soe soeldi dor die godes ere bliuen tue weken noch met mi wi sullen leuen ic ende ghi bi sulker spisen als es die mine percheuael sprac dats ene pine 725[regelnummer] dar ic harde ghereet toe bem die ermite leidene met hem Ende lerde hem stille ene goede ghebede die hi hem soe langheuesten dede dat hise const wel int gheuoch 730[regelnummer] Jn die ghebede waren gnoch van ons heren meste namen die nieman te noemen en betamen hine ware in vresen van der doet die goede man percheuael. gheboet 735[regelnummer] dat hi die namen niet en soude noemen in watre noch in woude

Roman van Perchevael

[Perchevael]

Over dit hoofdstuk/artikel

titels