Oud-Vlaemsche liederen en andere gedichten der XIVe en XVe eeuwen

[p. 203]

CXXII. [Ic badt der liefster vrouwen mijn]

Ic badt der liefster vrouwen mijn;
God gheve dat mir becliven moet,
Of anders sal verlanghens vijn
Verdwinen al mijns hertzen bloet.
No vruecht, no heil, no scat, no goet
En mach mi helpen niet een blat,
Doet si mi niet dat ic huer bat.

Ghebloiet staet een gardekin,
So vaste nye ghein in mi en stoet;
God groetu, joncvrouw edel, fijn,
Dat rijs haenstu in dijn behoet.

Ich badt der liefster, enz.

Sal dan mijn......zijn
Blijft mi ghestalt tot heilde zoet;
Want ich wil immer blyven dijn;
Dats saltu zeker....woet.
No vruecht, no heil, no scat, no goet
Ne mach mi helpen niet een blat,
Doet si mi niet dat ic haer bad.

Ich badt der liefster, enz.