Van onser vrouwen lof
(1980)–Anoniem Van onser vrouwen lof–
Auteursrechtelijk beschermd
[Folio ?ra]
| |
1[regelnummer]
Ne droech noeit ouer een
Sonder vrowe in v allene
Ghi sijt moeder ende maghet rene
Henne scint gheen wonder clene
5[regelnummer]
Tgheselscap van desen tween
Ghi sijt ghods ende onse moeder
Bi v wart ghod onse broeder
Ghi sijt hauene anker roeder
Ons diet vresselike scaet
10[regelnummer]
Die verdreuen sijn teverre
Inde sonden droue ende erre
Vrowe ghi sijt onse leedsterre
Ende onse beste touerlaet
Bi ons hebdi edele maegt
15[regelnummer]
Dese waerdechede beijaegt
Want vrowe dat ghi crone draegt
Comt algader dor onse noet
Dit es openbare in scine
Om ons te loessene vter pine
20[regelnummer]
Maect v ghod de moeder sine
Penst hier ombe dats ere groet
Roese bouen allen blomen
Vrowe nadien dat ghi sijt comen
Bi ons te derre groeter vromen
25[regelnummer]
Dat ghod dor ons wart v kint
Ende wi bi v sijn ghenesen
Vander doet ende verresen
So dinct mi recht wel wesen
Dat wi v eeren ende ghi ons mint
30[regelnummer]
Marie die ghode soghet
Fontaine die niet ne verdroeghet
Dit hebdi dicken ghetoeghet
Andie sere hebben mesdaen
| |
[Folio ?rb]
| |
Ghi sijt bouen allen inglen vrowe
35[regelnummer]
Ghi verloest vt allen rouwe
Die v met rechter trowe
Willen wesen onderdae[n]
Mine siele die es ghebonden
Vrowe met wel swaren sonden
40[regelnummer]
Ghi hebt die ghenade vonden
Bedie so willic bidden v
Om dat hic bem so mesdadech
Dat ghi mijns sijt ghenadech
Enter siele mede gheradech
45[regelnummer]
Jeghen vwen sone nu
Al sijn groet mine mesdaden
Ghi hebt so meenghen beraden
Ende ghi sijt so vul ghenaden
Ic hope so sere vppe dat
50[regelnummer]
Dat ghi mi niet nesult ghebreken
Want ic ne hoerde noit spreken
Dat ghi sonde wildet wreken
Vp hem die ghenade bat
Ghebiedt alse moeder boudelike
55[regelnummer]
Bidt alse dochter omodelike
Den vader van hemelrike
Want mine twifelt niet en twint
Vrowe wildijs v onderwinden
Ghine sult mi wel ontbinden
60[regelnummer]
Ende ghine sult ghenade vinden
Te miere behoeften an v kint
Nv laet ons bidden te ghoder trowen
Der maegt marien onser vrowen
Dat soe vter anxeleker nooet
65[regelnummer]
Ons helpe int ende van onser doet
Entat so si te onsen ende
| |
[Folio ?va]
| |
[Dat] ons de duuel [niet ne scende]
Dies ionne ons de hemelsce vader
Amen segt mede alleghader
|
|