Van onser vrouwen gheslachte
(1980)–Anoniem Van Onser Vrouwen gheslachte–
Auteursrechtelijk beschermd
[Folio ?va]
| |
Hort hier van onser vrowen
Hare gheslachte te ghoeder t[ro]wen
Onser vrowen moeder hiet ver anne
Nv hoerter naer so hadde .iii. manne
5[regelnummer]
Ic salse v nomen alleghader
Joachim hiet onser vrowen vader
Van hem sohadsoe onser vrowen
Dit was waer teghoeder trowen
Maer het was biden heelgen gheest
10[regelnummer]
Dat soese ghewan doe alre meest
Want het was gheseit lange teuoren
Dat van ere maegt soude werden geboren
De ghods sone van hemelrike
Die coninc soude sijn van aerderike
15[regelnummer]
Dat was ihesus dier marien kint
Die ons allen heeft ghemint
Dies moeti sijn ghebenedijt
Embermeer in allen tijt
Verannen erste kint dat was marie
20[regelnummer]
Die den gods sone drogh suuer ende vrie
Sident huwede veranne ende gewan
Cleophase enen andren man
Dar bi hadsoe no min no me
Marien die men hiet cleophe
25[regelnummer]
Dese marie so huwede ghinder
Ende gewan .iiii. heelge kinder
Bi alpheuse die goet man was
Also ict inde scrifture las
Joseppe iacoppe symeone
| |
[Folio ?vb]
| |
30[regelnummer]
Ende iudase die ter duegt was gew[one]
Want dese iudaes hine was niet
Die ihesuse onsen here verriet
Noch verstaet ende hoert
[Na] dat hier volghet voert
35[regelnummer]
Salome was verannen derde man
Dar soe de derde marie af gewan
Die marie hiet salome
So hadde saen der kinder [twe]
Bi zebedeuse haren man
40[regelnummer]
Deen dat was sente ihan
Die men heet ewangeliste
Dat segt scrifture diet wel wiste
Sente iacob wasser oec een
Die in galissien op enen steen
45[regelnummer]
Voer ouer die wilde ze
Aldus wilt ghod no min no me
Ver annen dochter kinder dat waren
Nv merct meerre ende minder tewaren
Waer sach noit man des ghelike
50[regelnummer]
Ghescien yeweren in aerderike
Want in iherusalem was soe gheboren
Van verannen die ghod hadde vercoren
Jnden temple wassoe mengen dach
Die talreerst suuerheden plach
55[regelnummer]
Na haerre wet leefde sente clare
Die men nu hout al openbare
Want daraf quam hare goeds genoech
Dat soe den gods sone gedroegh
Daer starf soe biden hospitale
60[regelnummer]
Doe quamen die apostele altemale
Ende droeghense woch al enen pat
Vte iherusalem tote in valle iosephat
|
|