Hier beghint dat vijfte boec, Deutronomium
Dat eerste capittel
Doet was int viertichste jaer nadat die kinder van Israhel uut Egipten ghingen, doe seide God tot Moyses, dat hi int Lant van Beloften niet comen en soude, mer dat hi in die woestijn sterven soude. Doe screef Moyses een boec, hiet Deutronomius. Ende hi screef daerin alle die geboden ende die wet ende die rechten die God hem bevolen hadde. Doe seide hi tot den kinderen van Ysrahel: "Gi gaet lichtelic van Gode die wijl dat ic bi u bin. Daerom gruelt mi dat gi Gode lichtelic laten selt, als ic doot ben. Daerom sel ic alle die wet, die geboden ende die rechten in een boec scriven. Ende dien boec sel men in die arke leggen ende den kinderen van Ysrahel eens des jaers overlesen, opdat sise mogen verstaen ende weten ende te bet houden." Ende oec screef Moyses in dat boec al dat regiment van den kinderen van
Auteursrechtelijk beschermd