11 capittel
Doe seide God tot Moyses: "Sect den kinderen van Ysrahel, dat si al mijn geboden houden ende dat si gene beesten en eten, si en hebben gesplitte voeten ende edercauwen. Ende wat beesten dat heel voeten hebben, als camelen ende diergelijc, die en sellen si niet eten. Hasen eercauwen, mer si hebben heel voeten. Varkens die hebben splitte voeten, mer si en eercauwen niet. Daerom en sel mense niet eten." Alle visschen die vinnen hadden ende scillen, die souden si eten ende die ander visschen niet. Ende alle vogelen die gesplitte voeten hadden, die souden si eten. Ende die heel voeten hadden ende in Levitico geteykent staen, die en souden si niet eten. Ende voert meer, als die wet uutwijst.
Auteursrechtelijk beschermd