Een Nieu geestelijck liedt-boecxken


[DIt is den dagh] Op die selfde wijse. Haec est dies. DIt is den dagh, Die God den Heer der Heeren, Sonder verdrach, Ghemaeckt heeft t'ons profijt, Laet ons vrucht hanteren, En vrolijck jubileeren, Met groot jolijt, Sijn in den Gheest verblijt, Den Tempel wijt, Tot te hoornen vant outaer Met Meyen wilt vercieren En lustigh helpen vieren Dees feest eerbaer, Der verrijsenisse claer Oft den Hemel-vaert seer claer. Ons Paessch-lam reyn Is Christus onsen Heere Op gheoffert pleyn, Voor ons is openbaer, Laet ons dan expurgeeren, Den ouden heeft met eeren, Houden eenpaer Des Heeren feest eerbaer, Maer niet voorwaer, Int oude desem suyr, Maer ongheheefde broode Der waerheyt t'is van noode, Suyver en puyr, Als t'gout gepuert door t'vuyr. Princelijcke greyn.
[Folio C3v]
Boven alle Princen verheven, Die ons certeyn, Den dagh seer lang verwacht, Hebt weder ghegheven, Den duyster nacht verdreven, Wt der zonden Gracht Verweckt onsen ghedacht Ws Gheests cracht, In onsen herten plant, Om 'tAertsche te versaken, En 'tHemelsche te smaken By Christum triumphant, Aen 'sVaders rechter-hant.