Nieu dubbelt Haerlems lietboeck, ghenaemt den laurier-krans der amoureusen

[Fortuyn o lacy puer]

Stem: Ick sucht, ick ween, etc.

FOrtuyn o lacy puer!
Hoe valt ghy my soo suer?
Ick doe mijn geklag, vanden eersten dag
Dat ick u Ionghman sag.

Gy gaeft my uwe hant, tot eene onderpant,

Ghy swoeret mijn, seer trouw te zijn:
Maer ghy laet my in schant.

Ongheluck en teghenspoet,

't Welck my mijn Lief aen doet,
Hy heefter gherucht, en afghepluckt
Drie Roosen van mijnen Voet.

Hy quam my soo vriendelijck aen

Dien loosen Courtisaen,
Houdt daer Ionck-vrou, daer isser mijn trou
Ick salder u niet af-gaen.

Ghy hebt gheschent de Maeght

Die nu soo jammerlijck klaeght,
Ghy hebtse gesocht, daer toe ghebrocht,
'tWelck zyder beklaeghet noch.

[p. 63]

 

Ghy denkct niet om de Min,

 

Maer ghy stelt uwen sin

 

Op die u niet, beminnet siet,

 

Weynigh tot u ghewin.

 

 

 

Nu sit ick in't verdriet,

 

In schanden alsoo men siet,

 

Blijft verre van mijn, genomen mijn eer:

 

Dat klaghe ick God den Heer.

 

 

 

Nou treckt hy uyt den landt

 

En laet mijn Maeghet in schant,

 

Ionge Dochters neemt hier een exempel saen

 

Die jouder eerst komen aen.