Van den neghen besten (korte versie)

[Van den neghen besten (korte versie)]

[p. 599]

 

Hector, Priamus zoen van Troyen,

 

Dede den Grieken menige vernoyen;

 

Negentien coningen hij versloech

 

Int tlant dair sijn vader crone droech.

5

Hij was die stoutste in sijnre tijt

 

Die men wist in die werelt wijt.

 

Van Acilles wort hij vermoert

 

XI^c ende XXX jair voir Goids geboirt.

 

 

 

Alexander, Philips zoen van Macidone,

10

Over al Grieken soe droech hij crone;

 

Dairtoe Chaldeen, Persen ende Meden

 

Hielt hij in sijnre mogentheden.

 

Bij der wiser philosophen rade,

 

Hij was milde ende vroem van dade.

15

Hij starff CCC ende IX jair

 

Voir Gods geboirt, dat is wair.

 

 

[p. 600]

 

Julius was capiteyn van Romen der stede;

 

Uut sijnre moeder wart hij gesnede,

 

Dairom soe wart hij Cecer genant.

20

Hij dwanc mit sijnre mogender hant

 

Dat meeste deel van der werelt wijt

 

Des was hij die eerste, des seker sijt,

 

Die te Romen wart keyser gecoren

 

XLII jair eer Christus wart geboren.

25

Coninc David was die zoen Yesse;

 

Van sijnen geslechte, des sijt gewesse

 

Wart die overste coninc geboren.

 

Hij wart van Gode coninc gecoren

 

Als Saul ten Philisten wart verslegen.

30

Hij verwan Golyam, den stercke degen;

 

Syon stichte hij, ende starff dairnaie

 

Voir Troyen C. en de XLII jair.

 

 

 

Josue, die goede, hoirt na my,

 

Int tlant van beloifte regnierde hij;

35

Hertoge der geslechte van Ysrahel,

 

Na Moyses doot, verstaet dat wel.

 

Amorren, Moanere, Philiste hij verwan

 

Ende den coninc Og van Basan,

 

Dairtoe menige heidensce scair.

40

Hij stierf voir Troyen CCC jair.

 

 

 

Judas, Machabeus was hij genant;

 

Sijn mogenticheit was wide becant

 

Van Jherusalem den tempel Ons Heeren

 

Hielt hij mit cleinen volcke in eeren

45

Jegen die van Persen ende [van] Caldeen.

 

God sende hem selve, alst wel sceen,

 

Een gulden swaert, ende starff dairnaie

 

Voir Christus CXLIII jair.

 

 

[p. 601]

 

Aeurtueur, van aventueren genant,

50

Cininc van Britangen wael bekant,

 

Sijn rijke hoff dat hij regierde

 

Dair men in stac ende toyrnierde.

 

Hij was milde ende vroem ter hant

 

Als hij Onser Vrouwen bannier ontwant.

55

Hij starff, men wist niet wair,

 

Nae Christus V^c ende XL jair.

 

 

 

Kaerl die groot, Keyser van Almangen.

 

Coninc van Vrancrijck ende van Spangen,

 

Die Sassen hij driewarff mitte swaerde

60

Weder ter gerechte lone keerde.

 

Jherusalem, die heilige stede,

 

Bicant al Occidente mede

 

Wan hij ende starff in groter eeren

 

VII^c XIII int jair Ons Heeren.

 

 

65

Godevaert van Bulgoen, van Lotrijc,

 

Hertoch, die oick diergelijck

 

Wan dat heilige graff Ons Heeren,

 

Ende so sijns vaders erve in eeren

 

Soe rechte vroemelic verteerde,

70

Ter eeren Gods hilt mitten swaerde.

 

Int jair ons Heeren starff hij dair

 

XI^c ende LII jair.