Nederlandse historische bronnen 4

108 Willem van Oranje aan Jan van Nassau Gent, 28 augustus 1580^108*

Unser freundtlich dienst undt was wir mehr liebs undt guets vermögen jederzeidt zuvor. Wolgeborner freundtlicher lieber bruder. Wir haben nicht umbgehen mogen E.L. den ungelucklichen zustandt den der auch wolgeborner unser freundtlicher lieber vetter Wilhelm Ludig grave zue Nassau etc. vor Covorden gehabt hiemit zue wissen zufugen.

108* KHA, Inv. 3, nr. 886, f^o 19r^o-v^o en 27r^o-v^o. Expeditie.

[p. 112]

Es ist uns vorwar herzlich leidt gewesen das S.L. dieser unfall begegnet, dieweill es aber dem Almechtigen also wolgefallen, mussen wirs mit geduldt undt zue dank auffnehmen. Wir wollen aber, wie wir dan albereidt ins werck gesteldt, die gute versehung thun lassen damit S.L. soviell verhoffen moge werden, wie wir dan auss etliche leuth bericht verhoffen geschehen werde undt das es S.L. noch ahn leben noch sunst viel schaden soll. Auch wollen wir darneben beij den hern Standen dieser lande die gute handt daran halten das S.L. getreue dienst undt erlittenen schade dermassen soll erkhent werden das E.L. ein ursach soll haben ein wolgefallen und gnugen darab zue nemen, welchs wir E.L. hiemit in eill nicht haben verhalten wollen undt seindt derselbigen angeneme bruderliche dienst undt wolgefallen zuerzaigen jederzeidt gantz gudwillig - - -