Nederlandse historische bronnen 4

57 Willem van Oranje aan Jan van Nassau Antwerpen, 16 juli 1579^57*

Monsieur mon frère, d'aultant que je suis esté adverti que l'ennemy pourroit avoir quelque entreprinse sur la ville de Zutphen ou qu'il seroit d'intention de la presser par ses forces, je n'ai sceu obmectre à cause de l'importance de ladicte ville, à vous assez congneue, de vous faires cestes, affin que l'ordre requis puisse estre mis pour la deue garde d'icelle. Et comme je l'estime estre telle, que par peu de moiens et despences elle se pouroit fortifier tellement que pour sa défence sera requis, je vous ai aussy bien voulu prier de vouloir tenir la main à ce que ladicte fortification se puisse ainssy faire en diligence.

Aussy si monsieur le comte de Rennenborch se trouve encores celle part, qu'il vous pleust d'adviser avecq luy sur les moiens pour faire haster la fortification des villes de Zwol et Hasselt pour obvier à tous dangiers et inconveniens, qui se pourroient aultrement présenter en ces endroictz - - -

57* KHA, Inv. 3, nr. 897⁷. Expeditie.