Nederlandse historische bronnen 4
(1984)–Anoniem Nederlandse historische bronnen–
Auteursrechtelijk beschermd10 Willem van Oranje aan Jan van Nassau Antwerpen, 18 september 1578Ga naar voetnoot10*Unser freundtlich dienst undt was wir sunst mehr liebs undt gudts vermögen jederzeidt zuvor. Wolgeborner freundtlicher lieber bruder. Es hadt uns der von OyenbrugkGa naar voetnoot26 denen der herr Grave zu RennenburgGa naar voetnoot27 zu S. Durchl. abgefertiget, alhie zu erkhennen geben, immassen E.L. undt wolermelter Grave vor nothwendig ansehen das kriegsvolck, so jetz under in der belegerung vor Deventer liggen, mit etlichen reuttern zu stercken, auff das man damit dem feindt desto | |
[pagina 30]
| |
fuglicher begegnen undt seine anschlege entdecken mochteGa naar voetnoot28, darauff wir ermelten von Oyenbrugge alsbaldt zu dem hern graven von Bossu ins leger abgefertigt, auff das wir, wass seine liebe darinnen bedacht, eigentlichen undt gewissen bericht empfangen undt unss desto besser darnach richten mochten. Wen nuhn wolermelter Von Boussu etlicher beweglicher ursach halb, bedachtlich undt unrathsam geachtet jetziger gelegenhaidt nach, einige reutter auss dem leger dahin zu schicken undt derwegen ermeltem Von Oyenbrugge befhollen, die ursachen seines bedenckens dem hern Graven Von Renneburg nach der lenge zu erkennen zu geben, also wollen wir unss auff dasselbige sein anbringen hiemit remittirt haben, freundtlich bittendt E.L. wollen mit ermelten hern graven in demselbigen gute correspondenz halten undt beyderseits mit vorkundtschafftung auff behorlichen orten die gute versehung thun, damit wir des feindts anschlege dero orth soviel muglich bey guter zeidt erkhennen undt wissen mogen. Soviell die general mittel undt gemeine contribution anlangt, dieweil E.L. bey sich selbst woll ermessen khunnen, wie hochlichen diesen landen daran gelegen, das dieselbige mit allem moglichen vleiss befordert undt auffgebracht werden, also wollen wir unss gentzlichen vertrosten, es werden E.L. mit sonderem ernst daran sein, damit dieselbige sonder weitere beschwernis oder auffzugh also woll in E.L. gubernamenten als in den anderen provincen verwilliget und zusamen gebracht werden, undt das desto mehr, dieweill unsere sachen jetzunder dermassen alhie geschaffen undt mit Gottes hulff auff solche wege gebracht, das wir durch erneute mittell in kurtzem etwas erspriesslichs zuverrichten verhoffen. Welchs wir E.L. freundtlicher meinung nicht haben verhalten wollen und seindt derselbigen bruderliche dhienst undt angenemes wolgefallen zu erzeigen gantzs gutwillig - - - |
|