Momus hutspot.
In yn zeker stadt, woe zeker luy zig gaar gyn kontientie zaak droet make, van de hiel beurgery in den afgrond der duusternis te loate leve, woas me op ynen zomersen daag de keuning te verwachten.
Bank? woorde de lanteres opgehange in de stroate woe de Vors moes passere, um heum hy door te bewieze dat dit, comme à l'ordre du jour, altied zoe woas, en dat al het geschrieuws van de Journal, ongegrond woas.
Dit lievert zoe yn klein exempelken op, wie men des lands regente zeuk te misleye, oangoande de klagte van hun onderdoane, en wie die leuy, die allyn mer het geleuk heubbe van hunne vorst euver de noedzakelikheid van stad en land te konne onderhauwe, heum zeuke door vals leeg, het woare en effectief leeg te verberge.
Zouw men noe in zoe yn ploats, het gaas leeg wille oprigte, doch altied met de idy, van mer by zoe yn extra occasies gebruuk de vaan te make, en de breuy van de reclamaties van de beurgery geve, die eve min es yne souveryn zig geere blouw auge laupe, zouw het daan neet beter zien van zich mer oan het auwt te hauwe, en veur die stads gelde, wat zoe yn oprigting zouw koste, nog ynige neuy stads peuskes te creëre, um die oan blootverwante, of aan uitheemse te vergeve, wie dat zedert joare gebrukelik is.
Es tog noe in die stadt, het gaas leeg ingerigt woort, um tege wil en dank gebruuk doa vaan te make, wie allewijl van de lanteres, daan zouw het spreekwoord woer weerde:
Wie korter bij Roeme, wie slechter de kris
Wie korter bij gaasleeg, wie duusterder het is.
De Momus ballen zien altied brillant en fatsoenlik, de hieren distingueeren zich doa door ein decente en convenabele kleiding, en nog noets is het gebeurd, dat me doa, zoe es by zeker groete lui, verplig is gewees, den ein of andere noa hoes te schikken um ein betere brook en eine rok oantetrekken. Foei Menhier, dat woas neet te wel! numt oan us ein exempel!
Dat by ein zeker soort kwasten de kleyer de maan make, hy oan is neet te twieffelen, sins dat men einen langen hier zich in ein neui pak heet zien steeken, dat veur ein zier hoeg personaaje woas verveerdig, um dat heer doa door meinde zich ein vorstelik oanzien te geven: Vanitas vanitatum omnia vanitas!
Doa den oetbelder alwijl te veul werk heet met de verlore braceletten oet te belle, zoe verzeuk me us door de Annalen bekind te maken, dat me op zondag 13 julij 1844, um kwarteer noa twelf s'meurgens in het Park verloren heit ei stukske van 5 gulden. Het is schoen rond wie de booijem van einen hood, mai get kleinder.
Dee het zou gevonden heubbe of nog zou vinden, weurd verzeuk er 4,75 gld. in de Societeit van de Leverweurs te St.-Pieter van terug te bringe, woe den ex-eigeneer domicilie gekozen heet alle doag van 4 tot 8 ooren s'aovends.
Me weurd verzeuk er bij de restitutie zoe wienig meugelik cahotte bij te doen.
Doa weurd het geëerd publiek bekend gemaak, dat me op de Boschstraat de fondeminte is aon 't legge van ein kweekschoal veur hinkende peerd en opgevange hon.
Het lierre van ein hinkend peerd is gefixeerd aon 10 nederlandsche gulden per daag, het onderhauwe van einen hond aon 1 gulden. Es me veur oet accoord maakt betoald me nog get mie.
Veer hopen er in de toukomende Annalen de Prospectus van te konne geven.
De patissiers weurde vrindelik verzeuk de bestelde patisseries op hunnen tied veerdig te heubbe.
De verwers die zonder patent achtergevels zouwe verve, deege goot van te wachte tot ze hun ouge gans goot open hadde, ier ze noa hun werk goon: dan zulle ze zich neet op de vlug geve, en beurstel met verfpot in strik loate, es einen persoon oenkump, dee gaar gein geliek heet met einen deurwaarder.
Sedert eenigen tied huurt me omtrint van niks anders mie spreke es van einen splinter neujen dans, de Polka geneumd. Ig heub huure zegge van deskundige, dat dit woord oafkump van Sebiesqui, noam van de Princes die deen dans heet oetgevonden; ik geluif dat deen deskundige zich neet oan de gooi source geadresseerd heet, want ig zeen in die twie weurt gyn twie letters die eins zien.
Doa de cavalier zich in deen dans hiel wienig beweging behooft te geve, en doa heer veur de dames eine complete assaut van graties is, zoe weurt gezag dat de Princes Sebiesqui dit gedoon heet, oet egoïsme, oet coquetterie, oet compassie, um die hiere te favoriseere die met eexterouge geploag zien etc. etc. etc.
Doa ig de ier gehad heub met de Princes de sop te eete, zoe heet ze mig verteld, dat ze incognito op ein van eus redotte gewees is en doa met verwondering gezeenheet, met wat plezeer einige jong hiere in het midde van de zoal geplant stoon en telle wieveul schoen dames door hun capricie tapisserie make en dat ze um die hiere te engageere tot danse, het hun zoe gemekelik gemaak heet.
Doa ig altied gereid bin de party van mien compatriotte te numme, zoe heub ig de Princes van heur slechte opinie euver die hiere wille trukbringe, met heur te zegge: dat einige neet danse, umdat ze bang zien zich te comprometteere doa het meist allemoal burgerdames zien die eus redotte frequenteere en die zeker met geinen edelman konne danse, dat andere zich wille interessant make en de air heubbe zich te loate desirere, dat andere mair teneere van eine promenade (die hun geweenlik weurd oafgeslage) umdat danseere neet à la hauteur du siècle is, enz. enz.
Doa dit allemoal niks oan heet konne doen, zoe num ig de vrijheid door de Momus Annale de hiere in questie oanteroaye van zich in het toekomende van ei steulke te verzien um zich te zitte, tot dat de Sebiesquisese weer ins incognito kumd en einen dans oetvind woe in den hier neven zien daam kon blieve zitte; dan zal hun niks anders euver blieve es zich op de grond te zette, tot dat het slufke joage op eus redotte oangenomme weurd, wat wel neet te presumere is.
Auteursrechtvrij