Moetete (1968)

[p. 13]

Wati Deets
A pasi na Bien Hoa

(singi foe wan Vietcong fet'man)

Someni tron kaba
mi waka go nanga kon
abra na pasi na Bien Hoa.
Mi si didibri nanga anansi
tapoe a pasi na Bien Hoa.
Den nefi, mortiri, koegroe
èn a lafoe foe den wenke
ala e go èn kon
kon èn go
tapoe na pasi go na Bien Hoa.

Langa ten a sa tan so ete
go èn kon,
kon èn go
abra na pasi na Bien Hoa.
a srefi ten di a krin
dangra mamanten
e kroipi kon.

Son, moen, njoen froedoe
jongoe bamboesi sproiti,
mankeri malengri pikin
nanga oen égi dedeskin;
blaka genti, weti skwala
oli nanga dran
skoema e swen lontoe Bien Hoa
te a sibiboesi foe oen pipel
wan dé sa ari pasa
abra na pasi go na Bien Hoa.