Moetete (1968)

[p. 30]

Johanna Schouten-Elsenhout
Asadoe

uit: ‘Awese’

Kwakoe!
Gado bles mi
Srafoe pikin?
a joe di m' denki sdon
a kampoe foe oposranan
tanapoe leki 'bawpapa
djaso a bokobroki
e loekoe san e go nanga kon
lek kapten f' brendjari
pe watramama opo mofo
e swar bakaboesi
d'e bari f' jepi
Nengreboi?
a joe tanapoe lek kondre stonpopki
or' anoe a tap ede e sor keti koti
lek granman dede fafoedoe
arki joeroe e naki
jere n'apinti dron
tide a hondro jari manspasi
brok' a boei doro
di ankra joe kra
djompo kon twist
nanga den jongwenke
mindri
a bakafoetoe banja d'e pré