Middelnederlandse geneeskundige recepten

1123. Item ene mensche die sijn maghe verhart is.aant.

Gheeft hij ouer sinen spise ende sijn dranc, dan is hij zeer siec.

So wanneer den meester hem besiet inden glase, is sine nette clair als een born of water, scumet si sere, so is sijn maghe vercout; so sel hij nemen ghengheuair, padiscornes⁷⁹, sedewair, lorberen, die vier sticken ghelike vele, ende stoten dat te samen mit puluer, dat sel men sieden, ende so sel hij dat drincken smorghens nuchteren ende des auonts. So wanneer hij niet meer⁸⁰ nutten en wil, so sel hij nemen witte [fol. 6^v] ghengheuaer dicke. Of du selste nemen alsen of rosen, ende nayen in enen linnen sacgen, ende laetten die in⁸¹ edic sieden of in out bier [.i.] pint, ende so sel gy dat sachgen legghen op den maghe also heet als hij doghen mach, ende voirt so selmen [t]sacgen varwarmen⁸² telliken een atmael in asin, so sel ghi op die maghe legghen ende dese alsen of rosen selmen sien een huer lanc in enen nwen pot.

79 Na padiscornes staat in het Hs. sedevaer doorstreept.

80 Het Hs. heeft dittografie van hij niet meer.

81 Na in staat in het Hs. an doorstreept.

82 Na varwarmen staat in het Hs. telligh doorstreept.