Middelnederlandse geneeskundige recepten

1112.aant.

Item wijt vrine beteykent langhe siecheit.

Item vrine die verwandelt in roetheit groene, die beteikent sucht, ende verwandelt si niet in ix daghen of in xi ter ghesontheit, so vallet hij in enen anderen siecheit, ende dan in die derde, ende in die vierde so vallet hij in langhe quale die beteykent steect ende sweet.

Item vrine pic svart ende ghelu, die steruet binnen den derde daghe.

Item vrine die hevet enen claren rinc ende int midden bouen den clare ringhe ghelijc is den witte wateren welcke vrine smorghens roet is ende hare voruue behout, dat is quaet.

Item vrine die svart is ende dicke ende scuum heeft, dats quaet.

Item vrine die groen is, dats quaet.

Item vrine die smorghens svart is, dats quaet.

Item clare vrine in den vate mit siechten, die is dodelic.

Item vrine mit heffe, dat is goet.

Item vrine smorghens wijt ende na den eten claer, die is ghesont.