Middelnederlandse geneeskundige recepten

[fol. 2^v] 768. Gebrocken benen.

Jegen gesproken beenen of gebroken armen: alset terstont gedaen is, so se[l]diit werm laten houden thent ghi v reescap gemaect hebt dat ghi daertoe besigen selt. Ende dan so seldi nemen roes oly ende bestriken tbeen of den arm mitter olyen also verre als [ghi] die ey plaester leggen selt. Ende dan so suldi nemen twe of iii eyer ende mengense mit poluer of bloem van runne tot die dicte vanre saluen ende leggen die plaester op die broke ende spalkent wel mit eere spalken ende latent so achte dagen leggen ende tenden den achte dagen so suldi die ey plaester ofnemen ende smerent been of den arm wel ende leggen daerop een plaester van cheronium of van oxirocroceum dat beter is ende vervolcht so vi weken lanc eer ghi die spalke of doet thentet al genesen is.