Middelnederlandse geneeskundige recepten

688. Jeghen die ghebortheit der herten.

Nem byuoet, poleye, millefolium, agrimonie, ende astrice, stote dit te samen, ende nem .i. lettel wijns, ende doet in .j. pot, ende set opt vier, ende laet te samen wallen; dan set vanden viere, ende wrijf castorie te puluer, ende stroye dat puluer opt cruut alse men peper doet, dan set den pot weder opt vier, ende laet echt te samen wallen, dair na laet coelen, ende gheuet drincken der vrouwen die die ziecheit heeft; dan sal die vrouwe sitten op enen stoel met cleedren om hanghen, dat haer gheen wint toe en come, ende set den pot onder den stoel dat²³⁹ die wasem sla in haren buuc, dan comt haer stonde te rechte, ende ouer den pot sal si sitten alsoe langhe alsi mach.

239 dat] het Hs. heeft Dat.