555. Ieghen noli me tangere.
Nem witte malue oft .j. man es, ende zwerte oft .j. wijff es, ende nem galbanum ende pi[m]pernelle ende ziedet in goeden claren wijn ende in stercken, ende roert wel, ende wascht dair mede .iiij. daghe oft viue achter een. Ende dan maect .i. plaester van desen crude ende wrijft te gadre metten plaecstren, ende bint dair vp. Ende dan moet hi ligghen vp .j. bedde ende sweeten ende moet nutten vanden puluere van desen cruude; hier na nem weghebreede, ende gerwe ende ghenghebere, ende zedeware. Dit es goet ende wrijft dit te sticken ende stroyet op die spise die hi et.
Auteursrechtelijk beschermd