Middelnederlandse geneeskundige recepten

492.aant.

Looc es quaet ende goet: quaet want het turbeert den lichame ende beroert, het quetst vleisch daer[t] bi leeght. Nemes te vele, het verdroeght ende verhit den lichame, het bringht lazerye, het verwect frenesie, het deert den colerien, want het rode colerye voedt ende meert. Goet es looc, want het helpt zeere den fleumaet ende den vercouden, het teerdt wel ende ombint den lichame, het verdrijft venijn, ende al dat ghevenijndt es, daer bij heetment der dorpers triacle; het mach wel vp doen, sceeden, af sniden ende verteeren groue humoren. Dair om eest goet die den steen hebben ende coude pisse¹⁸⁰, het trect voort menstrua. Looc ghestampt met soute ende met noten ende met ruten, es goet gheleeght op beete van enen ver-

180 pisse] het Hs. heeft spise.

[p. 202]

woeden hont; het doot worme in den buuc. Dat salmen eten, ghewreuen met menten zap, met pepere, met aysine ende met soute; looc es goet ieghen .i. onghemack, heet morphea. Het es goet ieghen water, als hi ghedweghen es salmen wriuen met ghestampten looke. Het verteert humoere ende gheswel tusschen vel ende vleesch. Loock ghebornt te puluere, dat puluer ghestroyt op vule wonden, gheneest die wonden. Looc ghesoden in fonteyne verdrijft smerte ende ghezwel.