Middelnederlandse geneeskundige recepten

487. Dien die maghe vercout es.aant.

Neme musscaten, ende¹⁷⁵ alsoe vele galigaens, ende alsoe zwaer cubeben, ende alsoe zwaer geroffels naghe. Ende die wortele van mirra die ghepelt [sijn] vanden vtersten. Ende cloefse ende werp therte dair wt. Ende nem alsoe zwaer mirradic alse vander musscaten, alsoe bereit die wortele vander eppen, ende die wortele vander petercelien, ende¹⁷⁶ die wortele van¹⁷⁷ venkelen; alle dese crude salmen tsamen in .j. doekelkijn winden cleene ghestoten ende men sal nemen ene pinte zeems ende een pinte ayzijns, ende doent in .j. nieuwe potkijn. Ende deckent nauwe ende latent verzieden toter helft. Dan siet doer .j. sackelkijn dat effene es, ende droppet mede .i. droppelkijn vp uwen naghel; bredet hem, soe eist te lettel ghesoden. Bliuet staende, soe eest genoech. Dit gheeftmen hem drincken

175 ende] het Hs. heeft Ende.

176 ende] het Hs. heeft Ende.

177 van] het Hs. heeft vandē, met dē geëxpungeerd.

[p. 201]

elc smorghens nuchtren euen vele; na den dranck sal hi des morghens nutten beuenelle.