Middelnederlandse geneeskundige recepten

467. ¶ Wildi altoes goeden lichame hebben.

Soe nemt des auons tarwen broet met allen ghebacken, alsoe groet als .ij. eyre, ende crumet cleine in ene scalle; ende dan nemt water dat vpt sieden es, ende doet dair vp, niet te vele, dat rechte nat¹⁶⁶ es, ende latet staen hefen alden nacht. Smorghens seldi nemen also groet wits ginbars als ene haselnote, ende scarfene vp dat broet plat te stuckene, ende dan ghieter rijnschen wijn vp ende dan ruert vp ende neder, ende dat et als ghij een wijlken vp gheweest hebt, ende vaster¹⁶⁷ ener wijle na.

166 Na nat staat in het Hs. si doorstreept.

167 Vóór vaster staat in het Hs. w doorstreept.