Middelnederlandse geneeskundige recepten

344.aant.aant.

Het sijn daghe van [e]gypten in die welke hem niemen en soude doen laten omme ghene noet. Deerste manendach van aprille. Deerste maendach van den ouste, dachterste van decembre. Die in desen daghen hem doet laten, mensche oft beeste, hi sal vp den zeluen dach steruen, of varinghe daer na. Ende ten sesten daghe en sal hi niet moghen comen. Ende die pusoen nemt vp die daghe, hi sal steruen voer .xv. dach. Ende soe wie die wort geboren vp die daghe, hi sal quader doet steruen. Ende die etet gansen vleesch vp die daghe, hi sal steruen voer den .xv. dach.