Middelnederlandse geneeskundige recepten

342.aant.

Meesters die harde vroet waren leerden dat niemen en soude doen laten in oestmaende no nemen pusoen, hi en hads zeere te doene ende dan soudt hijt doen te middaghe in wanende vander mane ende vanden dage want dan eist tgheluchte zeere gheminget. Men es schuldich te scuwene tlaten .xij. daghe vore den oest. Ende .xv. daghe daerachter want alle dinc die ghevonijnt sijn vlieghen dan ende deren zeere den mensche.