Middelnederlandse geneeskundige recepten

321. Dranck ten kancker ende tallen wonden te ghenesene.

¶ Neemt den crop vander roeder coele⁸⁴ ende den crop vanden vliedre, ende den crop vanden canepe, ende den crop vanden broeme, glorifilaet ende meede, also vele alse der andre crude, ja vpwaert gaende ende nederwert gaende alsoe vele van vliedere als al der andre, ende daer vp ghieten goeden wijn; dien drinct smorghens vroe ende sauonts spade .ij. lepel vol ofte .iij. na dat hi es starc ende cracht heuet van hem seluen.

84 coele] het Hs. heeft coeke.