Middelnederlandse geneeskundige recepten

225. Item omme alle wonden te gansene.

¶ Neemt sa\e/lye, betonie, netelen, bucgele, senikele, elc euen

[p. 160]

vele ende doet vte tsap ende alsoe vele wits van de .j Ʒ wits rasins ende rugghen bloeme ende dan vullet elx daghes eenwaerf die wonde ties [si] sijn ghenesen, ende essere adre of zenuwe in ghesneden, nemt⁶² metelieue, omonde, conferie, meede, comijn, roede colen, nettelen, betonie, kerspe, malue, lanceneye, plantaginis ende ziedet te gadre in stelle biere ende latet zieden toten derdendeele ende dan doetter toe also vele honichs dat zoete si, ende dan so gheuet hem drincken .iij. waeruen sdaghes, hi sal ghenesen. Ende essi ghewont int thooft, so en gheuet hem niet drincken.

62 nemt] het Hs. heeft Nemt.