169. Omme of te doene smetten vanden ansichte ende vanden lichame ende vanden mensche. Ende iegen gotte al gure.
¶ Nemt versch berghin smere ende legghet .iij. daghe ende .iij. nachte in witten wine ende dan nemt vrayen wieroeck ende botre van amandren ende stampet zeere in .j. mortier tes het si wel cleene ende dair na doetter toe smere ende stampet wel al te gader. Ende dan nemt vanden scume ende doese bi hare ende dan nemt quiczeluer ende stampet metten andre dinghen ende zalueter mede die euele voirs. Ende dair na, alst es verhardt, doetter toe vanden scumen voirs.
Auteursrechtelijk beschermd