Middelnederlandse geneeskundige recepten
(1970)–Anoniem Middelnederlandse geneeskundige recepten–
Auteursrechtelijk beschermd158. Jegen therte euel dat die mensche niet en mach eten ende alle spisen sijn hem ieghen.aant.¶ Siet centaurea zeere in stelle biere of in wine ende alsoe zere | |
[pagina 151]
| |
es ghesoden, soe doese vten potte ende stampse wel ende doese weder in den pot ende laetse wel zieden. Ende dan sijt doer .j. cleet ende dan neemt tweedeel saps ende terdendeel honich ghesoden ende ghescumet ende ghesijt doer .j. cleet ende doet wallen te gader tes het si wel dicke ende dan doet in een scone bosse ende gheue den zieken tetene elcs daghes .iij. lepel vol. Ende dat sal hem benemen die wlheide vander herten ende doen hem hebben goeden lust tetene ende te drinckene. |
|