Middelnederlandse geneeskundige recepten

76. ¶ Jeghen tisike²⁵.

Nemt ionc vlas ende wallet wel ende maecter off waermoes. Ende dan nemt smout oft smere van hoenderen ende cappet int waermoes, ende dan nemt een hinne ende zietse in water ende in dat zelue water maect dat waermoes, met .iiij. bladeren van menten ende een lettel comijns. Ende dan nemt .j. witte hinne ende doese braden ende onthout tsmout ende doet int waermoes. Alse die hinne wel si ghebraden ende clene ghehouwen²⁶, doese int waermoes ende of ghi en hebt gheen vlas, also nemt comijn ende doet alse van vlasse ende dan nemt [fol. 140^r] eyer ghebraden int dameren ende maecter of .j. plaester ende legghet vp den buuc, ende derna roest wit broet ende

25 tisike] boven dit woord heeft een 16de-eeuwse hand toegevoegd: vtdroocht.

26 Na ghehouwen staat in het Hs. ende.

[p. 141]

nettet int sop van menten, ende werpter vp puluer van comijne ende van mastic, ende doet maken enen dranck van witten marobien ende van ysopen, van liscorissien ghesoden in stellen biere, ende alle dinghen die versche sijn sijn goet ter leueren ende versche spise ghebraden tote hi si laxatijf, ende als hi es bekeert int ghenesen, soe sied men hom sine spise in water.