52
Den selven dach, te weten den negenentwintichsten december, doen isser een burger voor schout en schepens ontboden en men heeft hem ghevraecht offer op karsdach 't smorgens vroech v armiaensche vergaderinge in sijn huys gheweest is, want het was den officier soe geseyt. Nou desen voorschreven burger die en wilde niet bekennen noch oock niet ontkennen datter armiaense vergaderinge in sijn huys geweest was, soe wordent bij schepens goet gevonden dat men desen man in die gevanckenis souden setten totter tijt toe dat desen voorschreven burger die voorschreven saeck bekent ofte ontkent hadden ende desen voorschreven burger is ghenaemt C.A. ende was een garentwijnder van sijn ambacht.
Auteursrechtelijk beschermd