1206. Ad menstrua. faciendum non fluere.
Menstrua te stoppen so salmen nemen bredewegen saet ende herts horn gescaft, elx euen woel, gemenget myt wyn ende myt rosenvater, (fol. 114v) dit salmen drincken, dit is seer goet daer scegen. Item is dy vrou colerica, dan sal sy nemen trifera sarrasenica, rosata nouella, dat is honich gesaden in water ende rosen. Ende geft har tdrincken. Ende si sal oeck baden in water dar yn gesaden is dien bast van oude eyken loueren ende van witten prum boem. Ende si sal eten alle dingen dy stoppen als quedde appel ende drincken wytten wyn gemenget myt roeswater ende aqua plantaginis, ende haer gebrade spise [sal] dar mede gedoepet syn.
Auteursrechtelijk beschermd