Medische en technische Middelnederlandse recepten

1197. Onghemack der trecken behort, ende si heilet ende elc mester is si sculdich te hebben, ende men maecse aldus.

[p. 303]

Nemt galbanum ende cerapinum ende aermoniacum ende opponac, elc van desen gummen .s, die salmen leggen in azin tweken ende hir nae salmen nemen collofonie, dat is grics pieck, s.i. s ℔., ende mastic ende wirock elc .i. s , dese vier gummen sal̄men pulueresiren doer eyn budeket cleet torms, ende hir nae salmen eyn panne setten op dat fuer ende daer yn salmen doen azin .3. ℔., ende scip pec .i. ℔., ende was .iij. , ende die gewefrede gumme salmen eyn luttel sieden ende dar nae salmen parsen doer eyn doeck, ende dan salment weder op het wuer doen, ende sidet tot dat dy azin versoden si, ende dan salmen mengen in dy puluer ende doent af vanden wuer ende dan salmen op der vier op ghiten ende colent dar mede. Dan salmen nemen in den handen walken alle verscheit der wt, ende dan salmen vnder wilen besaluen myt oli van oliuen vnde dattet neet cleiuen en sal in den hant, ende dan salment setten war men wyll. Probatum.