Medische en technische Middelnederlandse recepten

988. ¶ Droge salue ende treit tot wonden.

Nemt eyn wyrendeel was ende so woele hars ende neem scapen roets dat sy nyet tweeck en warde, ende wat wiroxs, diet siedet tsamen. Alst water gesaden is, so ghietet yn eyn scuttel myt water, ende latet styf

[p. 267]

werden, dan saltmen, thoep dowen. Nemt dyt verscx treyt ende smeltet yn eyn pan, dan nemt een lynen cleyt sonder gat, ende spreit yn dy pan myt treyt, dan neem ander schoen doeken ende sp<r>eitze inden yrsten doeck, ende beslaet den doeck mytten yrsten doeck yn dye treyt, so dat dy treyt doer alle doecke wel gaet. Als sy wel nat syn, so nemtse wtter pannen ende ontdoetse al warm, ende laet sy cuelen. Dese doeken syn goet tot wonden, tot sueren, oeck tot gebroken armen of benen, heelre huut of gequest, gesneden, ende dar op geleyt, so groet of soe cleyn dattet bedect alt (fol. 93^r) seer, dats goet; dese treyt ende doken mogen euelic goet bliuen.