eyn hantwol teruen zemelen, ende eyn zaucier wol wyndrosen ende gomme, ende menget tsamen myt wat wyns, ende sietet yn een nye panne, ende machter plaesteren af ende legt op dy wonde. Sceitet nyet, soe neem rooswater, donreblader, vrouuenmelc, elc euen weel ende wat gommen, dat doet yn eyn pan ende syet wat ende legt dar op geplastert, also lang want het of peelt; bat dat nyet, soe neem eyn wyt leder ende smeert myt gumme ende legt dar op. Ist dattet dan nyet een scheit, soe motmen sy splitten, dan neem waersche butter, donreblader, nachtscade ende salie, dat stampt tsamen ende cleynse weel ende dwa mytten dunsten. Dat ander salmen werpen yn een pan ende siedent waet ende ghitent dan yn bussen ende heylent mytter sallef.
Auteursrechtelijk beschermd