Medische en technische Middelnederlandse recepten

875. ¶ Teghen dy seer hoest.

Nemt ysenbraue, poleye, ysope, ende stoetse seer ende myngense myt wyn, des wyns tweedeel, ende siedet tsamen alsoe lange als het scumt, ende nemt den scum af ende cleynst doer eyn doeck, ende drincket dat sauents ende smorgeens. Ende ynden wynter als men dat sap nyt en wynt. soe salmen des sommers dy crude lesen ende drogense aen eyn stock sonder zonne ende sonder roeck. Alst is⁽³³³⁾ droghe, so wrift to puluer, ende nemet⁽³³⁴⁾ dy twee deel wyns ende siedet als gescreuen is.

(333) is: het Hs. heeft ist.

(334) nemet: n verbeterd uit m.