Medische en technische Middelnederlandse recepten

712. Aqua metalli sic fit.

Recipe wilinge van yser, van coper, van tenne, van loed, van lytoen ende chathimia, van golde, van siluer, ana alsoe woel als ghy tot enen mael begripen cont. Ende legget dit enen nacht in enen kyndes vryn dat een maget is, ende daer naee enen dach ende nacht yn heeten wyn, ten derden daghe in venecoel sap. Ten .iiij. in witte⁽²⁷²⁾ van eyeren. Ten .v. daghe in frouuen melck dy eyn knechten soghet. Ten .vj. in roden vyn. Ten .vij. yn wyt wan eyeren. Ende holdet altoes dy dynghen daer heet yn geleghen heeft, ende dan menghet al thoe gader ende doet int vat daermen water yn maket ende sublimirt myt clenen fuer, dat daer wtlopet haldet in enen silueren wate. Dy[t] water is van groter krachte vant het mact den mensche iongeling, ende doet aff alle smette (fol. 58^v) die men heuet ynt aensicht ende oeck anders wart aent lyff is. Ende mact schone werue den ghene dy lazaris syn ende heet claret seer dy oghen.

(272) witte: het Hs. heeft wute.