Medische en technische Middelnederlandse recepten

696. Aqua rubrica sic fit.

Recipe .ij. of .iij. stoppen vryns⁽²⁵⁹⁾ nae dat ghy maken woel of

(259) Na vryns staat o doorstreept.

[p. 221]

luttel wylt. Ende doet dy [op] tfuer ende laetse een luttel syden ende stampet wael dese cruden dye hyr nae gescreuen staen. Dat is sceelwortel, eufrasie, rosen, sonweruel ende alsem, ende doet sy yn dy vryn, ende distillirt sy (fol. 56^v) yn en clocke. Ende alst gemact ys, soe doet weder [op] tfuer ende latet eyn werendeel wersiden, ende dan doet daer yn arkanette of laken ende schumet mytter irsten wal, ende dan dottet af ende cleynset doer eyn doecke sonder wt thoe wringen ende bestedet. Dyt water ys goet ende geneest het witte, het brune ende het rode ende dy schelle drope ende schademael ynde oghen, des morgens ende des auents gestreken myt enre wederen. Ende droget alle lopende stede, strickment dar op.