692. Aqua spargi vel pedis columbini sic fit.
Recipe spargum dyt wast gheern ynt corne, ende distillirtse. Dyt water ys goet gedroncken, want het heelt wonden bynnen ende buten ende oeck alle gheswelle ende alle quetsinghe ende alle werheitheit. Hyt is goet op alle dynghen dy onsteken syn. Ende heelet seer oghen ende fistel ende canker ende quade gade op dat sy gesuuert syn van horen quaden gronde, ende heel aposte(fol. 56r)men bynnen den lichaem. Ende apent den ganck der naturen soe dattet alle humoren doet ripen ende doetse scheiden. Ende syn luttel syropen dymen maect, spargus ys dar mede yn.
Auteursrechtelijk beschermd