Medische en technische Middelnederlandse recepten

682. Aqua boraginis sic fit.

Recipe bernartse als sy bloyt ende plucket dy blommen af ende distillirsy. Dyt water is goet gedruncken den ghenen dy nyet en plegen

[p. 218]

tlaten want het suuert den lichaem van quaden verrotten blode, ende het maket guet bloeit, ende suuert quade bloet. Ende ist thoe hete het coelt, ende ist thoe coldt het werhettet. Ende confortirt coitum ende confortirt aderen ende sene ende allen leden buten ende bynnen. Ende doet seer laxiren nederwart.