Medische en technische Middelnederlandse recepten

674. Aqua sigillum beate marie sic fit.

Recipe onser wrouuen seghel dy blader ende wortelen elx euen voele⁽²³⁵⁾ ende distillirt. Item dy water is van groter virtuten want waer een man geschoten myt enen pyle ende hem dat yser ynt lyf bleue, ende het stake ynt been of ynt vleesche⁽²³⁶⁾, ende nyt wt een mochte, machtmen⁽²³⁷⁾ (fol. 53^v) maken eyn plaester van werck ende nettent dar yn dyt water ende leggent dar op. Ende geuet den sieken van⁽²³⁸⁾

(235) voele: v verbeterd uit w.

(236) vleesche: v verbeterd uit w.

(237) machtmen: het Hs. heeft macthmen.

(238) van: v verbeterd uit w.

[p. 216]

dyt water drincken, dat yser sal alleen wtcommen op dat ter stede wt mach daert in quaem. Ende⁽²³⁹⁾ dit water geneset alle wonden bynnen ende buten olde ende nyen, ende doet stelpen alle ongemach. Ende genest kanker, fistel ende mormael ende haer worm, apostemen bynnen ende buten ende alle geswelle, ende alle zeer dat van⁽²⁴⁰⁾ auentuer comt. Ende het maket guede borst bouen allen wateren. Ende het doet wel naturen spil spolen. Ende geneest die <in> ptisike synt. Ende geneest allen den lichaem van drogheiden. Ende lage eyn vrouue⁽²⁴¹⁾ yn pynen van kynde, ende sy des kyndes nyet mochte genesen, droncke sy van desen water thans solde sy genesen. Ende het verdrift⁽²⁴²⁾ plecken ende sproten int aensicht. Ende het maket schoen claer verue⁽²⁴³⁾ ynt aensicht yst dan men dat aensicht daer mede wriuet of wasset.

(239) Ende: n verbeterd uit m.

(240) van: v verbeterd uit w.

(241) vrouue: v verbeterd uit w.

(242) verdrift: v verbeterd uit w.

(243) verue: v verbeterd uit w en u uit w.