Medische en technische Middelnederlandse recepten

634. Om slym van schapens feel(fol. 46^r)lyn⁽²⁰⁴⁾ tmaken.

Recipe dy stucken van wytten scapen leder. Dy stucken suldi weken enen nacht, dan neem dy stucken ende wasset sy al doer schoen, dat daer nyt af en lopet dan schoen water. Dan dwaet al schoen wt, ende rollet op malcanderen een hant fol, dy een nae die ander woer al droge, ende doet in een ketel dy schoen gescurt is ende doet inden ketel, ende doet daer water op ende latet syeden, alsoe langhe dattet op eyn droep bliue staen. Ende alst ghy het prouen wilt, soe steket daer enen stock yn ende latet drupen op enen taffel. Ende bliuet dy drope staen, soe ist genoch, ende vlitet, soe moet bet siden. Ende alst sidet, soe schumet weel schoen. Ende alst genoch is, soe hebt eyn schone boerde myt lijsten ende met kersesmeer bestreken of wijt kese, die is beter, ende dan gietet dese materie ouer al dat boerde. Ende dit doet alsoe subtilick als ghy moghet, ende dathet ymmer nyt dicke een werde mer dunne als ghy cont, dan soe latet staen enen dach of twee, dan doettet af. Ende hebdi dan noch meer wander seluer materien dy ghy wylt ghieten, soe wermet sy weder, ende doet als ghy thoe woren dedet.

(204) feellyn: het Hs. heeft feellym.

[p. 203]

Mer maket dat borde erste schoen wanden slymme myt enen messe.