Medische en technische Middelnederlandse recepten

620. Om sems leder tho maken of tbereiden.

Recipe tot eyn hynde of eyn haerten weel, .vj. lot alluns, .ij. loet sandes, .ix. doderen in werm water, ende latet wel tsamen thoe gaen of smelten inden wermen water met .j. loet olij ende .j. loet zwarte sepe, dan steket dat leder daer yn, dan wordet weel getouuet. Ende wyldyt swaerter hebben ende meer opt seems, soe (fol. 44^r) nym woer dy olij of woer dy botter herinck smout. Ende woer dat water half loghe. Ende ys dit⁽¹⁹⁷⁾ wel cleyn, daer nae past dy wichte.

(197) dit: lezing onzeker: het Hs. heeft dt.