Medische en technische Middelnederlandse recepten

602. Aqua fortis tho maken.

Recipe .j. ℔. aluins, .iij. virdel pont salpeters, .i. s ℔. vitriolis romanum, dit stoet in een wisel, ende distillirt yn een glase klocke. Et doet dy serbe in eyn klocke⁽¹⁹¹⁾, ende den deken daer bouen op, ende luterent waste toe dat dar gheen locht wt en mach. Ende macht daer eyn groet wier onder⁽¹⁹²⁾ .vi. vren lanck. Ende als ghy dat gout scheiden wylt vanden siluer, dan doet wan desen water yn eyn stenen waete.

(191) klocke: het Hs. heeft boven de e het afkortingsteken voor n.

(192) Na onder heeft het Hs. dat dar ghen locht wt en mach.

[p. 194]

Ende doet dat siluer dar yn eyn gode wyle ende ghitet dat water dar af, dar suldi dat gout ynden bodem wynden. Ende wyldi dat siluer weder hebben Recipe garnaelden van loede ende latet in dat water leggen, dat siluer sal in dat loet trecken. Ende dyt water maket gheel haer. Meer wacht w dat ghij dy huut nyt en raket mytten water, dan solde dat feel (fol. 41^r) of ghaen van dij scerpheit van dy loghe ende water. Ende bestriket om dij 8 daghen ens. Item wat dy hut geraket, so smerse myt rosen oly.